Jumieka Languij

UOM
Home
AATAGRAFI
Orthography
GRAMA
Grammar
DIKSHINERI
Dictionary
VOKIABILERI
Vocabulary
IDIAM
Idioms
PACHIZ
Passages
ISCHRI
History
BOUT
About
Piipl widoutn nalij a dem paas ischri, harijin ah kolcha kom iin laka chrii widoutn ruut.
~ Maakos Gyaavi, 1887-1940 ~
GAID TU PRONONGXIESHAN & PELIN
Guide to Pronunciation & Spelling
UORAL PRAKTIS
Mach di soun tu di wodem ah kaali out loud
Oral Practice - match the sounds to the words and say them aloud

Manyuel Ruod
Fuok sang sing ina ring giem

Kom dong a Manyuel Ruod,
gial ah bwai
Fi go brok raktuon,
gial ah bwai
Brok dem wan bai wan,
gial ah bwai
Brok dem tuu bai tuu,
gial ah bwai
Brok dem chrii bai chrii,
gial ah bwai
Fingga mash no krai,
gial ah bwai
Memba a plie wi a plie,
gial ah bwai.

Manuel Road
Folk song sung in a ring game

Come down to Manuel Road,
girls and boys
To break rock stones,
girls and boys
Break them one by one,
girls and boys
Break them two by two,
girls and boys
Break them three by three,
girls and boys
Finger gets mashed don't cry,
girls and boys
Remember we are playing,
girls and boys.

 

Prizenta anuon. Fiim voerjan a wah mixcho a di wuol rienj a Jumiekan Ingglish wid J1-3, laka ou di abrij smadi wuda jrapi. Nuot di swich frah ku de tu luk de, ah frah Misa Boerd tu Misa Bod. Iina J3 di noundem udn pluuralaiz ah hinishal aspiriet uda jrap aaf laka so:
ous, skiet, stier, chred, ama ah niel, lait ah lamp, at ah uk.
dierz muor fi si
uda bi muo de fi si.

Ina Smadi Ous
bai Dakta Syuus

Kom insaid Misa Boerd
se di mous
mi ago shuo yu
wat ina smadi hous
ina smadi hous
av tingz laik chier
tingz laik ruola skiets
ahn stierz
banaana, baattob
bakl, bruumz
dats wa yu fain
ina smadi ruum
sizaz, niigl
botn, chredz
cop ah saasa
pilo, bed
dem gat duonot
ah hierz a duor
kom alang
mi ago shuo yu muor
ku de dierz a siilin
luk de dierz a fluor
piano, piinot
papkaan, pielz
pensl, piepa
hama, nielz
saalt ah pepa
guolfish ah kii
tiebl ah telifuon, tv

kom ya, kom ya
dierz muor fi si
yu si a kichin singk
ina smadi hous
a shuuz an a sax
an a klak
se di mous
bred ah bota
windo, waal
tuutbrosh, ierbrosh
big bluu baal
biek biinz, byuuro jraaz
ah bux
laits ah lamps
ah hats ah hux
miro ah maabl
shoert ah chring
naif ah faak, spuun
ah nof belz fi ring
dalz ah dishiz
tiipat ah chrash
luk out de biluo
wi ago krash
an anada ting
iz taim yu nuo
ina smadi ous
yu mait av smadi tu
ah nou Misa Bod
nou yu nuo, se di mous
yu nuo wa de
ina piipldem ous.

 

Ingglan Iz A Bich
Rait ah pofaam bai Lintan Kwiesi Jansn

Ingglan Iz A Bich
bai Lintan Kwiesi Jansn

Wen mi jos kom tu Landan Toun
mi yuus tu werk pan di Andagroun
bot woerkin pan di Andagroun
yu dohn get fi nuo yor wie aroun
Ingglan iz a bich
dierz no eskiepin it
Ingglan iz a bich
dierz no ronin we fram it

mi get a likl jab in a big ootel
an afta a wail mi waz duin kwait wel
dem staat mi aaf az a dishwasha
bot wen mi tek a stak
mi no ton klak wacha
Ingglan iz a bich
dierz no eskiepin it
Ingglan iz a bich
No bada chrai fi haid fram it

wen dem gi yu di likl wiej pakit
fos dem rab it wid dem big tax rakit
yu hafi schrogl fi mek enz miit
an wen yu go a yu bed
yu jos kyaah sliip
Ingglan iz a bich
dierz no eskiepin it
Ingglan iz a bich fi chruu
a no lai mi a tel a chruu

mi yuus to woerk dig dich
wen i kuol no bich
mi did schrang laik a myuul
bot bwai mi did fuul
den afta a wail mi jos stap du uovataim

den afta a wail mi jos pudong mi tuul
Ingglan iz a bich
dierz no eskiepin it
Ingglan iz a bich
yu hafi nuo hou fi sovaiv in it

wel mi du die wok an mi du nait wok
mi du kliin wok an mi du doti wok
dem se dat blak man iz veri liezi
bot if yu si ou mi wok
yu wuda se mi kriezi
Ingglan iz a bich
dierz no eskiepin it
Ingglan iz a bich
yu beta fies op tu it

dem hav a likl fakchri op ina Brakli
ina disya fakchri
aal dem du iz pak krakri
fi di laas fiftiin yierz
dem get mi lieba
nou aafta fiftiin yierz
mi faal out a fieva
Ingglan iz a bich
dierz no eskiepin it
Ingglan iz a bich
dierz no ronin we fram it

mi nuo se dem av woerk
woerk in abondan
yet stil dem mek mi ridondan
nou at fifti-faiv mi getin kwait uol
yet stil dem sen mi
fi go jraa duol
Ingglan iz a bich
dierz no eskiepin it
Ingglan iz a bich fi chruu
iz we wi ago du bout it?


 

UOM
Home
AATAGRAFI
Orthography
GRAMA
Grammar
DIKSHINERI
Dictionary
VOKIABILERI
Vocabulary
HIDIAM
Idioms
PACHIZ
Passages
ISCHRI
History
BOUT
About
Di wol fos bailinggual ah muos kampriensiv Jumiekan/Ingglish websait
The world's first bilingual and most comprehensive Jamaican/English website

Bakgrong himij adap frah / Background image adapted from
Adolphe Duperly, Cornwall Street, Falmouth, dagerotaip/daguerrotype

Creative Commons License
This work is licensed under a Creative Commons Attribution-Noncommercial-Share Alike 3.0 License.